Sot, vendi ynë do të ndikohet nga kushte atmosferike relativisht të qëndrueshme.
Moti do të jetë kryesisht i kthjellët, ndërsa në zonat malore të lindjes dhe juglindjes priten vranësira të pakta kalimtare gjatë mesditës dhe pasdites. Pas orëve të pasdites, moti do të mbetet kryesisht i kthjellët.
Në jug, përgjatë relieveve malore, mund të ketë reshje të shkurtra dhe të dobëta shiu, kryesisht në formën e pikave, gjatë mesditës dhe pasdites.
Në orët e para të mëngjesit pritet mjegull lokale dhe mjegullinë, veçanërisht në zonat malore dhe luginore.
Era do të fryjë nga verilindja dhe veriperëndimi me shpejtësi mesatare rreth 6 m/s. Në vijën bregdetare dhe në zonat luginore, shpejtësia e erës mund të arrijë deri në 14 m/s.
Valëzimi në dete parashikohet i forcës 1-3 ballë.
