Kuvendi i Kosovës pritet të zhvillojë sot seancën e parë plenare pas konstituimit të legjislaturës së re. Seanca është parashikuar të nisë në orën 11:00.
Në rendin e ditës është parashikuar betimi i deputetëve, ndërsa pritet të votohet edhe Deklarata lidhur me aktgjykimin e Dhomave të Specializuara të Kosovës, të 16 shtatorit 2026, ndaj ish-krerëve të UÇK-së në Hagë.
Po ashtu, Kuvendi pritet të zgjedhë nënkryetarin e tij nga radhët e Grupit Parlamentar të Partisë Demokratike të Kosovës.
Deputetët e zgjedhur në zgjedhjet e 7 qershorit pritet gjithashtu të formojnë komisionet parlamentare, duke i dhënë kështu nisje punës së legjislaturës së re.
Më 16 shtator, Dhomat e Specializuara të Kosovës në Hagë, në shkallë të parë, dënuan me një total prej 81 vitesh burgim Hashim Thaçin, Jakup Krasniqin, Kadri Veselin dhe Rexhep Selimin. (A2 Televizion)
A2 CNN Livestream
MUND TE LEXONI GJITHASHTU
