Vlora Hyseni në “arrest shtëpie”, përfundon mbledhja e Këshillit të Sigurisë Kombëtare
Ka përfunduar pas rreth një orë e gjysmë mbledhja e Këshillit të Sigurisë Kombëtare, e thirrur nga Presidenti Bajram Begaj.
Mbledhja nisi në orën 08:30 në një kohë kur në fokus është hetimi ndaj ish-drejtoreshës së SHISH, Vlora Hyseni, e cila ndodhet nën masën e sigurisë “arrest në shtëpi”.
Në takim morën pjesë anëtarët e Këshillit të Sigurisë Kombëtare, ndërsa i pranishëm ishte edhe drejtuesi i komanduar i SHISH, Elvis Lila.
Deri në këto momente nuk janë bërë publike detaje zyrtare mbi diskutimet e zhvilluara gjatë mbledhjes apo vendimet e marra.
ANËTARËT E KËSHILLIT TË SIGURIMIT
Këshilli i Sigurisë Kombëtare kryesohet nga Presidenti i Republikës.
Kuvendi – Kryetari Niko Peleshi
Këshilli i Ministrave – Kryeministri Edi Rama
Ministria e Mbrojtjes – Ermal Nufi
Ministria përgjegjëse për Punët e Jashtme – Ferit Hoxha
Ministria e Drejtësisë – Toni Gogu
Ministria përgjegjëse për Punët e Brendshme – Ervin Demo
Ministria përgjegjëse për Financat – Petrit Malaj
Ministria përgjegjëse për Transportin – Enea Karakaçi
Ministria përgjegjëse për Energjinë – Enea Karakaçi
Komisioni i përhershëm parlamentar përgjegjës për sigurinë dhe mbrojtjen – kryetari Bledar Çuçi
Shtabi i Përgjithshëm i Forcave të Armatosura – Shefi i Shtabit Arben Kingji
Shërbimi Informativ i Shtetit – Drejtori Elvis Lila
Policia e Shtetit – Drejtori i Përgjithshëm Skënder Hitaj
