Alarm për sigurinë e llogarive Whatsapp është ngritur nga Autoriteti Kombëtar për Sigurinë Kibernetike. AKSK u ka bërë thirrje qytetarëve të tregojnë kujdes të shtuar pas raportimeve në rajon për raste të komprometimit të llogarive në WhatsApp. Sipas Autoritetit, në disa raste përdoruesit kanë humbur aksesin në llogaritë e tyre. Për të shmangur rrezikun e humbjes së llogarisë, AKSK këshillon qytetarët të aktivizojnë verifikimin me dy hapa në WhatsApp dhe të mos ndajnë me askënd kodet e verifikimit, fjalëkalimet apo të dhënat e llogarisë. Gjithashtu, qytetarët duhet të kontrollojnë rregullisht seksionin ‘Linked Devices’ dhe të shkëpusin menjëherë çdo pajisje që nuk e njohin.