Rrustem Mustafa mohon kandidaturën për president të Kosovës

Deputeti i Partisë Demokratike të Kosovës, Rrustem Mustafa, bëri të ditur se nuk është propozuar për postin e presidentit të Kosovës.

Ai sqaroi se deri tani nuk ka pasur asnjë dakordim me të për këtë çështje.

“Jo, unë nuk jam propozuar. Nuk është e dakorduar me mua”, deklaroi Mustafa.

I pyetur për komentet se mund të ketë marrë një ftesë nga Gjykata Speciale në Hagë, Mustafa tha se nuk u kushton vëmendje të tilla deklarimeve.

“Nuk i shoh hiç”, u shpreh ai.