"Kjo është protestë e faqes së bardhë"/ Protestuesi: Kjo qeverisje që premtoi mrekulli në 2013 nuk bëri ...
Reforma territoriale/ Emiriona Sako: Kompetencat e centralizuara të rishikohen dhe të kthehen te bashkia, çdo funksion duhet sh...
Refuzuan ftesën e tij për tryezën, Rama i përgjigjet magjistratëve: Do vazhdojmë punën për ligjin e paga...
Ambasadorja e re e Bashkimit Evropian mesazh të qartë: Detyra juaj është që ndryshimi të vazhdojë 28 Shtator...
Prej 3 shtatorit 2026, Shqipëria nuk lejon më importin e mishit të gjedhit dhe mishit të shpendëve nga Brazili, si pasojë e ndryshimeve në rregullat europiane për importin e produkteve me origjinë shtazore.
TIRANË- Pas ndërprerjeve të importeve nga Brazili, përpunuesit e mishit paralajmërojnë se prej muajit nëntor në tregun vendas pritet që çmimet e mishit të freskët të viçit, të pulës dhe nënprodukteve rriten nga 12 deri në 40%.
Prej 3 shtatorit 2026, Shqipëria nuk lejon më importin e mishit të gjedhit dhe mishit të shpendëve nga Brazili, si pasojë e ndryshimeve në rregullat europiane për importin e produkteve me origjinë shtazore.
Disa nga përpunuesit kryesorë të mishit të kontaktuar nga Monitor pohuan se efektet e ndalimit të importit ende nuk kanë nisur të reflektohen në çmimet e pakicës për konsumatorin, pasi kompanitë vazhdojnë të përdorin furnizimet e siguruara përmes kontratave të lidhura përpara datës 3 Shtator.
Por rezervat në magazina sipas përpunuesve mund të zgjasin deri në 2 muaj, gjatë periudhës shtator-tetor. Për këtë arsye, ndryshimi i kostove pritet të nisë të reflektohet më dukshëm në treg nga muaji nëntor, ndërsa piku i rritjes së çmimeve pritet gjatë muajit dhjetor.
Por sipas tyre aktualisht çmimet e mishit të viçit dhe të pulës për import në Europë janë nga 12 deri 40% më të shtrenjta sesa Brazili. Çmime më të shtrenjta sesa Brazili importuesit pa hasin edhe për alternativa të tjera furnizuese, si në Paraguaj, Argjentinë dhe Uruguaj.
Për rrjedhojë sipas importuesve rritja e çmimeve do të jetë e pashmangshme.
Filetoja e pulës mund të shkojë në 450 lekë/kg me shumicë
Një nga produktet që pritet të preket më shumë është gjoksi i pulës, i cili përdoret gjerësisht edhe në industrinë e përpunimit të mishit, veçanërisht për prodhimin e proshutës së pulës.
Sipas përpunuesve gjoksi i pulës përbën deri në 15% të totalit të importeve të disa kompanive.
Aktualisht çmimi me shumicë i filetos së pulës luhatet rreth 320-330 lekë për kilogram. Me furnizimet e reja nga tregjet evropiane, përpunuesit presin rritje të kostos dhe vlerësojnë se çmimi i filetos mund të arrijë deri në 450 lekë për kilogram.
Sipas tyre pas Brazilit, disa nga burimet me çmime më të ulëta në tregun evropian janë Ukraina dhe Rumania, por prej këtyre shteteve aktualisht rezultojnë se çmimet janë rreth 30-40% më të shtrenjta krahasuar me produktin brazilian.
Mishi i viçit mund të shtrenjtohet me 300-400 lekë/kg
Efekti pritet të ndihet edhe te mishi i gjedhit. Përpunuesit vlerësojnë se kostoja e furnizimit me mish nga tregjet europiane do të jetë rreth 19% më e lartë krahasuar me furnizimet nga Brazili.
Sipas përllogaritjeve të tyre, kjo mund të sjellë një rritje të kostos së produkteve dhe nënprodukteve të mishit me rreth 12-13%.
Aktualisht, çmimi i mishit të freskët të viçit në tregun e pakicës luhatet rreth 1,300-1,350 lekë për kilogram. Me furnizimet e reja, përpunuesit presin që çmimi të rritet me rreth 300-400 lekë për kilogram, duke e çuar mishin e viçit në nivele prej rreth 1,600-1,700 lekësh për kilogram.
Importet e mishit për 8-mujorin 2026, kryesohen nga Brazili
Brazili vijon të mbetet ndër furnizuesit kryesorë për mishin e pulës dhe gjethit për përpunuesit vendas. Sipas të dhënave të INSTAT, importet e grupit “Mish dhe të brendshmet e ngrënshme të mishit” për periudhën janar -gusht arritën 10,7 mln Ton. Importet nga Brazili përbënë 33% e totalit të sasisë së importuar të grupit.
Pas tyre, peshën kryesore për importet e grupit të mishit e zënë ato nga SHBA, e ndjekur nga Greqia dhe shtete të tjera europiane.
Ndryshimet hynë në fuqi nga 3 Shtatori
Ndalimi i mishit të importit nga Brazili vetëm për ato stabilimente që nuk janë të certifikuara sipas rregullave të BE ka nisur zbatimin nga 3 Shtator 2026.
Ministria e Bujqësisë dhe Zhvillimit Rural ka kërkuar nga Autoriteti Kombëtar i Ushqimit (AKU) që të marrë të gjitha masat e nevojshme për informimin e operatorëve që importojnë mish gjedhi dhe mish shpendësh nga Brazili, pas ndryshimeve të fundit në rregullat e Bashkimit Evropian.
Në një shkresë zyrtare dërguar më herët operatorëve, Ministria sqaron se importi në Shqipëri i mishit të gjedhit dhe mishit të shpendëve me origjinë nga Brazili është i kushtëzuar nga miratimi i zonave dhe stabilimenteve të prodhimit nga Bashkimi Europian.
Ky kusht përcaktohet në Urdhrin e Ministrit nr. 294, datë 13 qershor 2006, “Për importin e mishit nga Republika Federale e Brazilit”. Sipas shkresës së Ministrisë, Rregullorja Zbatuese e Komisionit Evropian (BE) 2026/1189 ka ndryshuar Rregulloren (BE) 2021/405, duke sjellë kufizime të reja për përdorimin e disa produkteve antimikrobike mjekësore.
Si rezultat i këtij ndryshimi, Brazili është hequr nga lista e vendeve të treta ose rajoneve të tyre të autorizuara për hyrjen në Bashkimin Europian të dërgesave të disa kafshëve dhe produkteve me origjinë shtazore të destinuara për konsum njerëzor.
Ky ndryshim ka efekt edhe në zbatimin e rregullave shqiptare, pasi Urdhri nr. 294/2006 e lidh importin e mishit nga Brazili me miratimin e zonave dhe stabilimenteve nga BE-ja.
Ministria thekson se, për sa kohë që ky kusht mbetet në fuqi, ndryshimet e sjella nga Rregullorja e re evropiane “reflektohen drejtpërdrejt në zbatimin e këtij urdhri”.
Ministria përcakton se ndryshimet që burojnë nga Rregullorja Zbatuese e Komisionit (BE) 2026/1189 fillojnë të zbatohen nga 3 shtatori 2026./Monitor
foto ilustruese KOSOVË- Çmimet e derivateve në Kosovë vazhdojnë të jenë të larta, me një litër dizel q&...
foto ilustruese TIRANË- Të gjitha matjet zyrtare tregojnë përkeqësimin të mundësive për punësim te të rin...
TIRANË- Investimet shqiptare jashtë vendit pësuan rënie për të dytin tremujori radhazi. Sipas të dhënave nga Banka e S...
foto ilustruese TIRANË- Vendi ynë do të vijojë të ndikohet nga të njëjtat kushte atmosferike edhe gjatë ditës ...
Ish-drejtuesit e SHIK-SHISH ndër vite: Bashkim Gazideze (i pari majtas); Bahri Shaqiri (i dyti majtas), Irakli Koçollari dhe Fatos Klosi TIRAN&...
pamjet TIRANË- As Ulsi Manja nuk i ka shpëtuar protestuesve. Siç shihet edhe në pamje, një nga aktivistet i është...
foto ilustruese TIRANË- Çmimet e derivateve në Kosovë vazhdojnë të jenë të larta, me një litër dizel q&...
TIRANË- Aksidentet rrugore u rritën me 6.2% në tetë muajt e parë të vitit 2026, të nxitura kryesisht nga një shtim i f...
foto ilustruese TIRANË- Gentjana Driza ishte në pritje të një porosie nga TEMU më 23 maj, kur mori një mesazh në dukje n...
pamjet nga protesta TIRANË- Me thirrjet “pa rini nuk ka Shqipëri” dhe “duam dorëheqje”, protestuesit kanë mars...
