Një 31 vjeçar me inicialet A.T është arrestuar nga policia në Kreshpan të Fierit për veprën penale “Shkatërrimi i pronës me zjarr”.
I riu dyshohet se ndezi zjarrin në një tokë që kishte marrë me qira me qëllim që të digjte mbeturinat, por situata i doli shpejt jashtë kontrollit. Si pasojë e erës së fortë, flakët u përhapën në sipërfaqe të tjera toke në fshat duke shkaktuar dëme të konsiderueshme.
Për shuarjen e zjarrit u angazhuan shërbimet e Policisë së Drejtorisë Vendore të Policisë Fier, 4 mjete zjarrfikëse dhe 2 helikopterë, të cilët, pas ndërhyrjes, kanë bërë të mundur shuarjen e vatrave të zjarrit, pa pasoja për jetën e njerëzve apo banesat. Versus.al
Poll
