Turshi me domate jeshile, shoqëruesja më e mirë e dimrit nga shefja e kuzhinës Albana Mançja

Një recetë tradicionale dhe plot shije, kjo turshi me domate jeshile është shoqëruesja perfekte për gatimet e dimrit dhe përgatitet lehtësisht në shtëpi.

Përbërësit:

• 2 kg domate jeshile
• 2 speca të ëmbël
• 1 spec djegës
• Kopër dhe majdanoz
• 10 thelpinj hudhre
• 2 lugë gjelle kripë
• 3 lugë gjelle sheqer
• 70 ml uthull 9%
• 70 ml vaj bimor

Përgatitja:

I presim domatet dhe specat në copa. Grijmë imët koprën, majdanozin dhe hudhrën.

I vendosim të gjitha perimet në një enë dhe i përziejmë mirë. Shtojmë kripën, sheqerin, uthullën dhe vajin, më pas i përziejmë përsëri.

Masën e përgatitur e vendosim në një kavanoz të pastër, duke i ngjeshur lehtë perimet. Në fund, hedhim sipër edhe lëngun e krijuar nga përzierja.