Një 31-vjeçar është arrestuar në Tiranë pasi është kapur duke lëvizur i armatosur në rrugën “Ndre Mjeda”.
Operacioni, i koduar “Shadow”, çoi në arrestimin në flagrancë të shtetasit me inicialet D. S., banues në Tiranë, i cili dyshohet se posedonte pa leje një armë zjarri.
Gjatë ndërhyrjes, policia sekuestroi një pistoletë të mbushur me municion, krehrin e armës dhe 14 fishekë.
31-vjeçari u shoqërua në ambientet e policisë, ndërsa materialet procedurale iu referuan Prokurorisë për veprime të mëtejshme.
