Kushtetuesja rrëzoi kërkesën e PD për zgjedhjen e tij, reagon Avokati i Popullit

Avokati i Popullit ka reaguar pasi Gjykata Kushtetuese rrëzoi kërkesën e Partisë Demokratike për të shpallur antikushtetuese zgjedhjen e tij.

“Avokati i Popullit respekton vendimin e Gjykatës Kushtetuese, e cila, me kërkesë të një grupi deputetësh, verifikoi procedurën e ndjekur nga Kuvendi për zgjedhjen e titullarit të institucionit dhe konstatoi se ajo është në përputhje me Kushtetutën. Në këtë çështje, Avokati i Popullit ruajti paanshmërinë ndaj kërkuesve dhe Kuvendit duke mos mbajtur qëndrim për themelin e çështjes dhe duke ia besuar vlerësimin tërësisht Gjykatës, së cilës i përket interpretimi përfundimtar i Kushtetutës. Vendimi i sotëm i jep përgjigje çdo pikëpyetjeje mbi procedurën e zgjedhjes. Avokati i Popullit vijon punën për mbrojtjen e të drejtave të njeriut”, shkruan Endrit Shabani në një status në rrjetet sociale, përcjell A2. (A2 Televizion)