ZYRTARE/ Premier League konfirmon City-n fajtor, zbardhet skema e mashtrimit

Manchester City është shpallur fajtor për 114 nga 115 shkeljet financiare të shqyrtuara nga komiteti i pavarur i Premier Ligës. Tashmë klubi ka të drejtë të apelojë vendimin, ndërsa Premier League ka bërë të ditur se afati për paraqitjen e ankesës është 2 tetor. Vendimi lidhet me një hetim që ka shqyrtuar veprimtarinë financiare të Manchester City gjatë periudhës nga sezoni 2009/10 deri në 2017/18. Komiteti i pavarur ka konstatuar shkelje të rënda të rregullave financiare të Premier Ligës dhe pjesën më të madhe të akuzave për mosbashkëpunim gjatë hetimit.

Një nga pikat kryesore të vendimit lidhet me marrëveshjet komerciale të klubit. Sipas komitetit, City ka përdorur disa kontrata fiktive, të cilat nuk pasqyronin marrëveshjet reale mes palëve. Këto marrëveshje kishin të bënin me disa partnerë komercialë dhe, sipas gjetjeve të komitetit, synonin të rrisnin artificialisht të ardhurat e klubit dhe të ulnin shpenzimet e deklaruara.

Sipas vendimit, ndikimi financiar i këtyre skemave ka qenë më shumë se 900 milionë paund gjatë periudhës së shqyrtuar. Në këtë mënyrë, City paraqitej sikur përmbushte kërkesat e rregulloreve financiare të Premier Leagues dhe UEFA-s. Komiteti ka konstatuar gjithashtu se klubi kishte paraqitur pasqyra financiare jo të sakta dhe kishte fshehur gjendjen reale ekonomike nga audituesit dhe autoritetet rregullatore të futbollit.

Një tjetër pjesë e vendimit lidhet me marrëveshjet me sponsorët. Sipas komitetit të pavarur, City kishte lidhur marrëveshje fiktive me disa prej partnerëve të tij tregtarë gjatë periudhës në fjalë. Sipas gjetjeve, këto marrëveshje ishin pjesë e një skeme financimi të fshehtë. Kompanitë që shfaqeshin si sponsorë paguanin vetëm një pjesë të shumave të përcaktuara në kontrata, ndërsa pjesa tjetër financohej nga Grupi i Investimeve dhe Zhvillimit të Abu Dhabit, pronari i klubit.

Në të njëjtën periudhë, sipas komitetit, janë përdorur edhe marrëveshje të tjera të financuara nga Grupi i Abu Dhabit. Këto i lejonin Cityr të deklaronte shpenzime operative më të ulëta se ato reale. Në dosje përmendet edhe një marrëveshje fiktive me Fordam, kompani që kishte blerë të drejtat e imazhit të futbollistëve të Cityr. Edhe kjo marrëveshje, sipas gjetjeve të komitetit, ishte financuar nga Grupi i Abu Dhabit. Sipas komitetit, qëllimi i këtyre skemave ishte që Siti të paraqiste të ardhura më të larta dhe shpenzime më të ulëta, me një diferencë prej më shumë se 900 milionë paund gjatë periudhës së hetuar.

Si pasojë, komiteti ka arritur në përfundimin se klubi ka dorëzuar pasqyra financiare të pasakta dhe nuk ka paraqitur në mënyrë reale situatën e tij ekonomike para audituesve dhe autoriteteve të futbollit. Sipas vendimit, nëse të gjitha marrëveshjet do të ishin regjistruar saktë në llogaritë e klubit, City do të kishte shkelur në një masë të konsiderueshme si kufijtë financiarë të Premier Leagues, ashtu edhe rregullat e UEFA-s.

Bëhet fjalë për rregullat e Premier Ligës që lidhen me fitueshmërinë dhe qëndrueshmërinë financiare, si dhe rregullat e UEFA-s për licencimin e klubeve dhe FFP-në, pra rregullat e Fair Play Financiar. Premier Liga ka konfirmuar tashmë vendimin e komitetit të pavarur dhe ka bërë të ditur se klubi ka të drejtë të apelojë. Afati i përcaktuar për këtë është e premtja, 2 tetor.