Të shtëna me armë zjarri janë raportuar në fshatin Sudhi, në zonën e Qafështamës, gjatë një operacioni të Policisë së Shtetit dhe Agjencisë së Mbikëqyrjes Policore (AMP) për evidentimin dhe asgjësimin e parcelave me bimë narkotike.

Gjatë ndërhyrjes së forcave të policisë dhe agjentëve të AMP-së janë dëgjuar të shtëna me armë zjarri. Sipas të dhënave paraprake, dyshohet se të shtënat janë kryer në ajër.

Deri në këto momente, nuk raportohet për persona të lënduar.

Forcat e Policisë së Shtetit dhe agjentët e AMP-së vijojnë kontrollet dhe operacionin në zonë, ndërsa pritet që në vijim të dalin të dhëna të tjera lidhur me rrethanat e ngjarjes dhe rezultatet e ndërhyrjes për evidentimin dhe asgjësimin e bimëve narkotike.