Deputetja e Partisë Demokratike, Jorida Tabaku, ka komentuar protestat kundër qeverisë, duke deklaruar se kërkesat për dorëheqjen ...
POLITIKE
Protesta e 122-të, aktivisti thirrje studentëve: Ejani në shesh, të rinjtë duhet të bëhen pjesë e revoltës
PiranjatPërditësimi i fundit 29 Shtator 2026, 20:23
Aktivisti Ilir Xhemalaj u bëri thirrje të rinjve dhe veçanërisht studentëve që t’i bashkohen protestës, duke deklaruar se pjesëmarrja e tyre është e nevojshme për të sjellë ndryshim në vend.
Duke folur gjatë protestës së 122-të, Xhemalaj solli si shembull protestat studentore në Francë dhe ngriti pyetjen se përse studentët shqiptarë nuk janë bërë ende pjesë e tubimit.
Ai u bëri thirrje qytetarëve që t’i bashkohen protestës, ndërsa akuzoi qeverinë për korrupsion dhe kërkoi largimin e saj.
Sipas aktivistit, protesta deri më tani ka ngritur problematikat me të cilat përballen qytetarët, por tashmë, sipas tij, duhet të paraqitet edhe një vizion për atë që ai e cilësoi si “Shqipëria e re”.
“Në një vend si Franca ku këta studentë kanë çdo gjë të siguruar dhe askush nuk u lejon të largohen nga vendi ata sërish ngrihen Këtu përse nuk kanë dalë studentët akoma. Lë të vijnë ky shesh është për ata…Ndaj ftesa ime sot është për të gjithë ata shqiptarë që kanë në vena gjak shqiptari të vijë këtu dhe të rrëzojmë këtë qeveri të korruptuar.
Kjo protestë i ka thënë hallet e shqiptarëve, por ne duhet të japim vizionin e Shqipërisë së re, e një Shqipërie të lirë, të lirë nga korrupsioni nga padrejtësitë dhe nga çdo kërcënim që bëhet për një vend punë…Ku familjet të kenë të drejtë të kenë shtëpinë e tyre. Do të ju bëja thirrje të gjithëve të mos e lëmë këtë shesh.
Ky kryeministër që është sot në detyrë ka frikë. Po të ishte trim do të jepte dorëheqjen dhe do përballej me drejtësinë. Por herët apo vonë ka për të qenë para bankës së të akuzuarve dhe do të japë llogari për çdo akt tradhtie. Dhe akti më i madh i tradhtisë është shpopullimi”, tha ai.
