Protestuesit kanë mbyllur fjalimet e tyre para Kryeministrisë dhe kanë nisur marshimin nëpër rrugët e Tiranës, një protestë që tashmë është kthyer në një traditë të përnatshme.
Ata mbajtën fjalimet e tyre në ditën e 122-të të protestës para Kryeministrisë, ndërsa thirrjet kryesore të protestuesve ishin për largimin e kryeministrit Edi Rama. “Edi Rama, jep dorëheqjen”, “Ju erdhi fundi”, “Rama në burg, Berisha në burg” dhe “Ndryshim sistemi” ishin disa prej sloganeve të përsëritura gjatë protestës.
Protesta e sotme shënon ditën e 122-të të tubimeve, ndërsa qytetarë të shumtë vijojnë të marrin pjesë, që nga dita e parë e deri më sot. Me flamuj kuqezi dhe me slogane në duar, protestuesit kanë vijuar marshimin nëpër rrugët e kryeqytetit.
