Shqipëria ka mposhtur San Marinon, në ndeshjen e vlefshme të fazës së grupeve të Ligës C në Ligën e Kombeve. Sfida e zhvilluar në Serravalle përfundoi me rezultatin e pastër 0-3 në favor të kuqezinjve.
Anis Mehmeti gjeti rrugën e rrjetës për të parin e sfidës dhe atë personal me Kombëtaren në minutën e 21-të, pas një pasimi perfekt nga Rey Manaj. Goli i dytë nuk vonon, ndërsa këtë herë është Myrto Uzuni që gjendet në vendin e duhur për të mposhtur në të 27-tën portierin e vendasve.
Në pjesën e dytë mendon Rey Manaj. Pasi “gatoi” golin e parë për Mehmetin, shënon të tretin për Shqipërinë në minutën e 65-të, duke i “vënë kapakun” fitores. Me këtë rezultat, Shqipëria merr vendin e parë me 6 pikë të plota, 2 më shumë se Finlanda që u ndal në barazim pa gola me Bjellorusinë.
Sondazh
Lexo gjithashtu
