Sultjash, shija perfekte e orizit me qumësht nga shefja e kuzhinës Albana Mançja

Një ëmbëlsirë e thjeshtë, tradicionale dhe plot shije, orizi me qumësht është një nga ato receta që na rikthen menjëherë te shijet e fëmijërisë. Me pak përbërës dhe një përgatitje të lehtë, kjo ëmbëlsirë kremoze bëhet edhe më e veçantë falë aromës së vaniljes dhe kanellës. 

Përbërësit:

• 250 g oriz
• 500 ml ujë
• 1 litër qumësht
• 150 g sheqer
• Vanilje
• Kanellë

Përgatitja:

Vendosim orizin të ziejë në ujë. Kur shohim që uji po shteron, shtojmë qumështin, sheqerin dhe vaniljen.

E lëmë të ziejë derisa masa të trashet dhe orizi të zbutet mirë.

E shpërndajmë në tasa dhe e pudrosim me kanellë.