Drejtuesi i Policisë së Korçës, Vilson Bala, është thirrur në Prokurorinë e Posaçme Kundër Korrupsionit dhe Krimit të Organizuar (SPAK), në kuadër të hetimeve për dosjen e biznesmenit Ergys Agasi.
Bala, i cili ka mbajtur më parë postet e rëndësishme si kreu i Policisë së Durrësit dhe drejtues i Forcës Operacionale, u paraqit në ambientet e Prokurorisë së Posaçme sot në orën 10:00.
Sipas burimeve paraprake, thirrja e tij në SPAK lidhet me hetimet e rëndësishme që po kryhen mbi aferën AKSHI-SHISH.
Bala do të pyetet si person në dijeni për Ergys Agasin, pasi një pjesë të kohës kur biznesmeni ka qenë në kërkim, Bala drejtonte Policinë e Durrësit.
Kujtojmë se Bala është mik i ngushtë i Ilir Prodës, ish-drejtorit të Policisë së Shtetit, i cili po ashtu po hetohet në kuadër të kësaj afere.
Në nëntor 2024, Bala u prezantua si drejtues i DVP Durrës.
Në janar të vitit 2026, ai u emërua drejtor i Drejtorisë Vendore të Policisë Korçë, detyrë që e mban aktualisht.
Vilson Bala ka mbajtur edhe detyrën e shefit të Forcës së Posaçme Operacionale.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Plas sherri në burgun grek/ Përleshje e dhunshme mes shqiptarëve dhe algjerianëve
Vdekja e studentit shqiptar/ Ferdinandi paralajmëroi familjen që të bëjnë kujdes, dëshmon e fejuara amerikane
Mbi 1 mijë të huaj të dyshuar për krime në Shqipëri, numri rritet 73% në dy vjet