Kryeministri i Kosovës, Albin Kurti njoftoi se partitë politike shqiptare të Luginës do të garojnë në një listë të përbashkët për zgjedhjet e 25 tetorit në Serbi.
Kurti ka thënë se ata do të garojnë në listën e përbashkët “Koalicioni Shqiptar”.
“Pas bisedave dhe përpjekjeve për t’i afruar qëndrimet, vullneti për bashkëpunim mori formën e një zotimi të përbashkët. I falënderoj kryetarët e subjekteve politike: Shaip Kamberin (PVD), Visar Memetin (APN), Nagip Arifin (PD), Agim Sabedinin (PDSH), Shqiprim Musliun (LPD), Sami Salihun (LR), Armend Aliun (AL) dhe Naser Azirin (UDSH), për angazhimin dhe gatishmërinë që, përtej dallimeve, të gjejnë te njëri-tjetri bashkëbiseduesin dhe të ndajnë përgjegjësinë ndaj qytetarëve”, ka shkruar Kurti.
Shaip Kamberi është i vetmi deputet shqiptar në Parlamentin me 250 ulëse të Serbisë.
