Pas një fushate 12-vjeçare, Shtetet e Bashkuara dhe partnerët e koalicionit i kanë dhënë zyrtarisht fund operacionit ushtarak kundër ISIS-it në Irak.
Të lidhura
None found
Sipas Pentagonit, largimi i forcave dhe pajisjeve nga Baza Ajrore e Erbilit është përmbyllur në përputhje me planin për të cilin kishin rënë dakord Uashingtoni dhe Bagdadi.
Përgjegjësinë kryesore për sigurinë e Irakut dhe për luftën ndaj mbetjeve të ISIS-it e marrin tani Forcat e Sigurisë Irakiane dhe Peshmergat. SHBA do të vazhdojë të japë trajnime dhe mbështetje në fushën e inteligjencës.
Pentagoni vlerëson se ISIS-i nuk është më një kërcënim ushtarak i organizuar në Irak. Megjithatë, mbetjet e grupit dhe milicitë e lidhura me Iranin vijojnë të jenë sfida për sigurinë dhe stabilitetin e vendit.
Me përfundimin e tërheqjes, misioni ushtarak amerikan i lë vendin një marrëdhënieje të re sigurie mes SHBA-së dhe Irakut, të përqendruar te bashkëpunimi dypalësh dhe lufta kundër terrorizmit.
