Ndërsa trupat amerikane po tërhiqen nga Iraku, është shtuar frika ër një ringjallje të ISIS në rajon. Kolona tankesh dhe mjetesh të blinduara amerikane janë parë të largohen nga zonat kurde të irakut, duke shënuar kështu fundin zyrtar të operacionit "Inherent Resolve" pas 12 vitesh prani në këtë vend. Ekspertët e sigurisë paralajmërojnë ndërkohë se tërheqja mund t'i japë dorë të lirë Iranit dhe aleatëve të tij, duke mundësuar gjithashtu rikthimin e ISIS-it. "Irani do të përfitojë në aspektin strategjik nga largimi i koalicionit, sepse kjo eliminon një prani ushtarake që për vite me radhë shërbente si kundërpeshë ndaj ndikimit të Iranit në Irak," thotë Jasim al-Bahadli, një analist irakian i sigurisë. Ai parashikon se grupet pro-iraniane jo vetëm që do ta paraqisnin këtë si një fitore, por edhe do të "përpiqen ta shndërrojnë këtë vrull në një ndikim më të madh mbi sigurinë dhe vendimmarrjen politike".