Ambasadori i ri i Shteteve të Bashkuara në Shqipëri, Eric Wendt, zhvilloi takimin e parë me kryeministrin Edi Rama, pak ditë pasi mori zyrtarisht detyrën në Tiranë.
Pas takimit, Ambasada amerikane në Tiranë e përshkroi partneritetin SHBA-Shqipëri përmes një mesazhi të qartë: mbrojtja, zgjerimi i tregtisë dhe investimeve, si dhe lufta kundër krimit të organizuar.
“Një partneritet i fortë matet nga ajo që dy kombe arrijnë së bashku”, thuhet në reagimin e ambasadës.
Ambasada njofton se Wendt dhe Rama diskutuan për thellimin e bashkëpunimit në fushën e mbrojtjes, rritjen e marrëdhënieve ekonomike dhe forcimin e luftës kundër krimit të organizuar.
Takimi me Ramën vjen menjëherë pas fillimit zyrtar të mandatit të Wendt. Ambasadori paraqiti letrat kredenciale te Presidenti Bajram Begaj më 26 shtator, duke nisur zyrtarisht detyrën e tij në Shqipëri.
