Këshilli Bashkiak i Cërrikut vijon të kundërshtojë bashkimin e Bashkisë Cërrik me Bashkinë e Elbasanit dhe atë të Belshit, në kuadër të diskutimeve për reformën administrativo-territoriale. Në mbledhjen e zhvilluar këtë të mërkurë, ishin të pranishëm 20 nga 21 anëtarët e Këshillit Bashkiak të Cërrikut, ndërsa një këshilltar mungonte.
Në përfundim të procesit të votimit, 11 këshilltarë abstenuan, 7 votuan kundër dhe vetëm 2 votuan pro bashkimit të Cërrikut me Elbasanin dhe Belshin. Rezultati i votimit pasqyron qëndrimin e shumicës së këshilltarëve të pranishëm ndaj propozimit për riorganizimin administrativo-territorial të njësive vendore.
Vendimi i Këshillit Bashkiak të Cërrikut pritet të jetë pjesë e materialeve dhe qëndrimeve zyrtare që do të përcillen në kuadër të procesit të diskutimit për reformën administrativo-territoriale.
Sondazh
Lexo gjithashtu
