Protesta e thirrur nga platforma “Liria ka Emër” do të mbahet sot, në orën 16:00, në sheshin “Skënderbeu” në Prishtinë. Pjesëmarrësit nga Kosova dhe trojet e tjera pritet të kundërshtojnë vendimin e Gjykatës Speciale, e cila më 16 shtator shqiptoi dënime që arrijnë gjithsej në 81 vjet burg për ish-krerët e UÇK-së.
Të lidhura
None found
Gjykata i shpalli fajtorë për kinse krime lufte Hashim Thaçin dhe Jakup Krasniqin, duke i dënuar secilin me nga 25 vjet burgim. Kadri Veseli u dënua me 18 vjet, ndërsa Rexhep Selimi me 13 vjet heqje lirie.
Protestat kundër këtij vendimi dhe në përkrahje të ish-pjesëtarëve të UÇK-së po mbahen prej 15 ditësh.
Demonstrata kundërshtuese janë zhvilluar gjithashtu në Shkup, në disa qytete të SHBA-së, si dhe në Kanada, Zvicër, Gjermani e Austri. Një protestë tjetër është paralajmëruar në Bruksel më 10 tetor.
