Ditën e djeshme, zhvillimet nga Portugalia shkaktuan mjaft bujë në botën e futbollit për shkak se legjenda portugeze, Cristiano Ronaldo u largua nga grumbullimi me kombëtaren para se të luhej ndeshja me Danimarkën, të cilën portugezët e fituan me rezultatin 1-2.
Për shkak se nuk do e niste titular, Ronaldo mori vendimin të largohej, por tha se do të fliste më vonë për të sqaruar të vërtetën e përplasjes me trajnerin Jorge Jeus. Ky i fundit së bashku me presidentin e Federatës Portugeze të Futbollit, Pedro Proença shkuan deri në aeroport duke u përpjekur që ta bindnin Ronaldon që të qëndronte.
“Pas konferencës për shtyp të trajnerit të Portugalisë dhe pas një bisede të drejtpërdrejtë me Presidentin e Federatës Portugeze të Futbollit, kam vendosur të largohem nga grumbullimi i kombëtares. Në kohën e duhur, do t’u tregoj të gjithë portugezëve të vërtetën për arsyet që çuan në largimin tim nga kombëtarja, së cilës i jam përkushtuar që nga dita e parë"- u shpreh Ronaldo.
Përpjekja e fundit në aeroport nuk e ndryshoi situatën. Ronaldo hipi në avion dhe u nis drejt Madridit, ku tashmë ka mbërritur, ndërsa Jesus dhe Proença mbetën në Kopenhagë. Ende nuk dihet nëse Ronaldo do të njoftojë tërheqjen përfundimtare nga Kombëtarja pas kësaj përplasje. Versus.al
