Është identifikuar piloti që u godit me thikë gjatë fluturimit të djeshëm për në Izrael, ku përleshja me pilotit dhe bashkëpilotit të avionit gati sa nuk rrezikoi jetën e njerëzve që ishin të pranishëm. Sipas mediave të huaja mësohet se piloti “hero” është shtetasi indian, kapiten Smit Machchhar.
Ashtu siç raportuam dhe ne ditën e djeshme, piloti Machchhar u sulmua nga bashkëpiloti i tij në bordin e një fluturimi të Flydubai që shkonte për në Tel Aviv, duke e detyruar aeroplanin të devijonte në Arabinë Saudite.
Kapiteni u vlerësua si "hero i vërtetë" nga kryeministri izraelit Benjamin Netanyahu, ndërsa mësohet se pas përplasjes me kolegun e tij ai mori disa plagë në bark dhe u dërgua në një spital në Tubak City, në veriperëndim të Arabisë Saudite, ku bëhet me dije se ndodhet në gjendje të qëndrueshme.
Benjamin Netanyahu vlerësoi guximin e kapitenit, duke vënë në dukje se, pavarësisht lëndimit të rëndë, ai arriti t'i rezistonte sulmuesit dhe të hapte derën e kabinës së pilotit.
"Përshëndes pilotin indian Smit Machar për guximin e tij të pashoq. Pavarësisht se u godit me thikë dhe u plagos rëndë, ai luftoi, rezistoi, hapi derën e kabinës së pilotit dhe lejoi pasagjerët dhe ekuipazhin të frenonin sulmuesin, duke parandaluar një tragjedi ajrore", shkroi kryeministri izraelit.
Sipas Netanyahut, kapiteni "shpëtoi jetën e 174 personave", përfshirë qytetarë izraelitë.
"Kapiteni Schmidt Machar i rezistoi sulmit me thikë që mori në kabinën e pilotit. Pavarësisht se u plagos rëndë, ai arriti të hapte derën e kabinës, duke u lejuar pasagjerëve izraelitë dhe ekuipazhit nga Emiratet e Bashkuara Arabe të ndërhynin dhe të shpëtonin të gjithë pasagjerët. Së bashku, guximi i tyre i jashtëzakonshëm shpëtoi 174 jetë. Indianë. Izraelitë. Emiratas. Kombësi të ndryshme. Një akt i jashtëzakonshëm guximi", tha Ministria e Jashtme izraelite në një deklaratë.
Pas incidentit, Flydubai njoftoi se po pezullonte përkohësisht të gjitha fluturimet për në dhe nga Izraeli, në pritje të një hetimi mbi incidentin.
Kompania ajrore konfirmoi se kishte pasur një "përleshje në kabinë" dhe se anëtarët e ekuipazhit të Flydubai në fluturim arritën ta siguronin avionin dhe ta ulnin atë në aeroportin e Tabukut.
Sondazh
Lexo gjithashtu
