“Mos të harrojmë gjendjen psiko-emocionale të viktimave”, pedagogia në ‘Top Story’ pas shpërndarjes së videove intime: Mund të shkojnë në akte ekstreme

Malaj tha se pavarësisht se vëmendja është te misteri se si apo pse u shpërndanë videot, nuk duhet harruar as gjendja psiko-emocionale e viktimave apo e familjarëve të tyre.

Sipas saj në raste të tilla viktimat mund të shkojnë edhe në akte të rënda.

“Flasim për ngjarjen, por duhet të mos harrojmë se këto kanë radhët e njerëzve të afërm, të cilët janë po aq të traumatizuar sa kushdo që ka parë këtë situatë. Jemi në një moment që unë nuk e di se kush duhet t’jua japi ndihmën kategorive të këtyre njerëzve. Pra kemi të bëjmë më të afërm, fëmijë, njerëzit e familjes dhe gjithë rrathët që ne kemi ndërtuar. Mos harrojmë që ne fjalën turp e kemi kodifikuese brenda vetes. Çdo gjë e kemi turp dhe kurrë nuk e kemi kuptuar së ç’është turpi në vetvete, dhe kjo është edukuar që në gjenezën e fëmijërisë dhe është trashëguar brez pas brezi, dhe në këtë moment e kanë shumë të vështirë të skalionojnë ngarkesën aq të madhe të turpit. E cila i turpëron ata megjithëse nuk kanë qenë as aktorë as faktorë, kanë lidhje familjare dhe që futen në të gjitha rrethin për arsyen se do të linçohen publikisht. Ngarkesa është aq e madhe, unë personalisht e shoh që mund të kemi edhe probleme psiko-emocionale dhe psikike, dhe më pas mund të ndodhin dhe vepra që s’do doja kurrë të ndodhnin. Që janë të shëndetit mendor, por që mund të shkojë dhe në ekstremin e gjësë, ndonjëherë mund të jetë dhe vetëflijimi i njeriut në këto raste”, u shpreh Malaj.

Top Channel