Nga data 5 tetor, qytetarët e Durrësit do të vijojnë të paguajnë për parkimin e tyre në Durrës.

Kryetari i PD-së në Durrës, Adrian Gashi e quajti padrejtësi ndaj qytetarëve të Durrësit, vendosjen e pagesës për parkim në rrugët e qytetit.

“Këto janë lekë që do u merren qytetarëve të Durrësit nga buxheti i tyre mujor. Ky është vendim abuziv i miratuar vetëm me votat e këshilltarëve të PS-së, ndërsa këshilltarët e PD-së kanë votuar kundër” tha Gashi  në një intervistë sot për emisionin ‘Kafe Shqeto’ në Syri Tv.  

Por çfarë do të sjellë?

Qytetit të Durrësit dhe banorëve të tij para se ti ofrohet një zgjidhje se nuk ka parkime por as transport publik do u merren lekë dhe për ato pak vende parkimi që ka.

“Durrësi është një qytet që vuan nga mungesa e parkimeve, vuan trafikun, nuk ka parkime publike e të mjaftueshme për banorët dhe për ata që punojnë në këtë qytet, nuk ka transport publik. Ndërkohë tarifa shkon deri në 17 mijë lekë në muaj.

Kryetarja e bashkisë tha se zgjidhja për qytetarët do të jetë në kohën e ardhme, ndërsa lekët do t’i marrim që nga data 5. Për çdo zgjidhje do të jetë në të ardhmen” shton Gashi.

Kryetari i PD-së së qytetit bregdetar sjell dhe një shembull konkret të situatës në qytet.

“Në lagjen 3 të Durrësit ku banon dhe kryetarja e bashkisë. Në këtë rrugë janë 6 pallate, 180 apartamente, 26 biznese. Vetëm njëri prej këtyre bizneseve ka 150 punëtorë. Kjo zonë ka vetëm2 8 vende parkimi.