Miranda Kerr rikthehet në pasarelë pas nëntë vitesh
Pas nëntë vitesh nga paraqitja e saj e fundit në një sfilatë mode, Miranda Kerr u rikthye në pasarelë. Ish-modelja e Victoria’s Secret parakaloi të martën, më 29 shtator, në shfaqjen e shtëpisë së modës Stella McCartney, e zhvilluar gjatë Javës së Modës në Paris.
43-vjeçarja u shfaq me një fustan në ngjyrë menteje, me një nyjë në bel, hapje anash dhe shpatulla të theksuara. Ajo e kompletoi look-un me flokët e mbledhur bisht dhe një grim të thjeshtë në tonalitete natyrale.
Kjo ishte paraqitja e parë e Kerr në një pasarelë që nga qershori i vitit 2017, kur ajo kishte sfiluar për shtëpinë e modës Moschino.
Sipas Page Six, kjo ishte hera e tretë që Miranda Kerr merr pjesë në një sfilatë të Stella McCartney. Dy paraqitjet e mëparshme të saj për stilisten britanike datojnë në tetor 2011 dhe shtator 2013.
Rikthimi në pasarelë vjen vite pasi Kerr u largua nga Victoria’s Secret, ku ishte një nga modelet e njohura të markës. Për këtë paraqitje, ajo zgjodhi një pamje elegante dhe minimaliste, duke tërhequr vëmendjen gjatë sfilatës së koleksionit pranveror.
