"Shqipëria kërkon revolucion"/ Mbyllet protesta e 123-të kundër qeverisë, qytetarët në kor: Arrestoni Ram&eum...
"Ligjet zbatohen në mënyrë të pabarabartë"/ DASH ngre shqetësime: Korrupsioni dhe burokracia pengojnë biznesi...
"Nuk na duhet të bëjmë të fortin e t’i biem tavolinës"/ Rama për procesin e integrimit: Duhet të ndihem...
Takimi i Ramës me Von der Leyen/ Protestuesit përplasen me policinë, ndalohen ti përcjellin presidentes mesazhet e protest&e...
Për momentin, ai njihet në Gjermani kryesisht si një politikan që nuk dëshiron të rrëzojë Kancelarin Friedrich Merz, dhe është pikërisht ky qëndrim që i sjell atij vëmendje të madhe publike.
Në takimin e parë zyrtar gjatë udhëtimit, Hendrik Wüst, politikani 51-vjeçar i CDU-së dhe udhëheqësi i qeverisë së koalicionit të konservatorëve dhe të gjelbërve në landin Renania Veriore-Vestfalia, u prit ngrohtësisht. Për momentin, ai njihet në Gjermani kryesisht si një politikan që nuk dëshiron të rrëzojë Kancelarin Friedrich Merz, dhe është pikërisht ky qëndrim që i sjell atij vëmendje të madhe publike.
Demokristianët e Merzit kanë pësuar së fundmi humbje të rënda në tre zgjedhje të landeve radhazi, ndërsa janë tejkaluar në sondazhe dhe në nivel federal nga Alternativa për Gjermaninë (AfD), pjesërisht e ekstremit të djathtë. Thashethemet filluan të qarkullonin menjëherë në qarqet politike për shkarkimin e mundshëm të Kancelarit Merz, ndërsa emri i Hendrik Wüst përmendet shpesh si pasardhës i mundshëm megjithëse ai gjithmonë i refuzoi pretendime të tilla.
Një kohë jashtëzakonisht e gjatë me Erdoganin
Ndoshta kjo është pikërisht arsyeja pse vizita e Wüst tërhoqi vëmendjen edhe në Turqi. Gjatë vizitës së tij të parë në Bosfor, ai u takua me Presidentin Rexhep Tajip Erdogan. Biseda zgjati rreth 50 minuta, gjë që konsiderohet një takim jashtëzakonisht i gjatë për një politikan të huaj që nuk është anëtar i qeverisë kombëtare. Ky takim u pasua edhe nga takime me tre ministra.
Vetë fakti që ai mori një trajtim të tillë përfaqëson një sukses politik për Kryeministrin e NRW, ku jetojnë një e treta e afërsisht tre milionë njerëzve me origjinë turke në Gjermani. Turqia dhe NRW realizojnë një shkëmbim tregtar me vlerë më shumë se dhjetë miliardë euro në vit.
"Mendoj se është koha e duhur që të zhvillohet një udhëtim i tillë", theksoi Wüst.
Gazetarët ndjekin çdo lëvizje të tij
Wüst është i vetëdijshëm se fotot nga skena politike ndërkombëtare do të nxisin më tej diskutimet rreth ambicieve të tij të mundshme për kancelar. Në të njëjtën kohë, Erdogan u sigurua që fotot zyrtare të tregonin qartë ndryshimin protokollar midis tij si kreu i shtetit dhe një përfaqësuesi politik rajonal nga Gjermania. 15 gazetarë nga Berlini ndoqën vizitën tre-ditore të një politikani që shumë e konsiderojnë një kancelar të mundshëm në të ardhmen. Pavarësisht kësaj, Wüst vazhdon të përmbahet nga çdo koment mbi spekulime të tilla, siç ka bërë për një kohë të gjatë.
"Bisedë konfidenciale dhe e hapur"
Wüst e përshkroi takimin me Erdoganin si një "bisedë konfidenciale dhe të hapur". Sipas tij, një format i tillë i mundëson atij të hapë "tema kritike". Me këtë, duket se ai aludoi në numrin në rritje të shkeljeve të të drejtave të njeriut, persekutimin politik të opozitës dhe presionin mbi median kritike në Turqi. Është pikërisht gjendja e të drejtave të njeriut që ka qenë një nga pengesat kryesore për afrimin e mëtejshëm të Turqisë me Bashkimin Evropian për vite me radhë.
Wüst thotë se ata po përpiqen të zhvillojnë një "ton të ri" që do të përqendrohet më shumë në aspektet pozitive të bashkëpunimit. Kjo do të thotë që kritika e drejtpërdrejtë pas dyerve të mbyllura preferohet mbi deklaratat publike që mund të pengojnë dialogun e mëtejshëm. Me sa duket ata duan të vazhdojnë kursin e vendosur nga Kancelari Friedrich Merz gjatë vizitës së tij në Ankara tetorin e kaluar.
Rëndësia e "gastarbeiter-ëve"
Pas bisedës me Erdoganin, Wüst deklaroi se ka interes të madh për një bashkëpunim edhe më të ngushtë edhe në fushën e mbrojtjes. Ai theksoi lidhje të tjera midis Turqisë dhe landit NRW, duke kujtuar se selia e DITIB, organizata më e madhe sunite-islamike në Gjermani, ndodhet në Këln. Ai gjithashtu kujtoi se kanë kaluar 65 vjet që kur u nënshkruan marrëveshjet e para për punësimin e punëtorëve nga Turqia.
Në një deklaratë gjatë një vizite në kompaninë gjermane Henkel, Wüst pranoi se për një kohë shumë të gjatë Gjermania "herë pas here i ka parë njerëzit me origjinë turke si problem". Në të njëjtën kohë, ai theksoi se ishin të ashtuquajturit punëtorë mysafirë ata që mundësuan rimëkëmbjen ekonomike të Gjermanisë pas Luftës së Dytë Botërore.
Gjatë tre ditëve të kaluara në Ankara dhe Stamboll, Wüst arriti të forcojë marrëdhëniet gjermano-turke brenda kornizave të përcaktuara nga qeveria federale, por edhe të forcojë më tej përshtypjen se emri i tij ende nuk mund të shmanget kur flitet për kandidatët e mundshëm për kancelar të Gjermanisë./DW
Donald Trump SHBA- Presidenti amerikan, Donald Trump tha se administrata e tij po shqyrton mundësinë e ndalimit të eksporteve të n...
Foto ilustruse Sipas një studimi të ri, personat me lidhje fetare që janë të përkushtuar ndaj besimit të tyre kontribuoj...
Foto ilustruse Qeveria e kryeministrit spanjoll Pedro Sánchez miratoi me dekret ndryshime në ligjin për strehimin dhe qiratë. Me k&eu...
Garry Kasparov RUSI- Disidenti rus dhe ish-kampioni botëror i shahut, Garry Kasparov, ka deklaruar se është paralajmëruar nga shër...
Pamje IZRAEL- Një fluturim i flydubai nga Dubai drejt Tel Avivit u kthye në një skenë kaosi të mërkurën, pasi një p...
Christa Gale Pike SHBA- Ekzekutimi i planifikuar i 50-vjeçares Christa Gale Pike në Tenesi u ndërpre të mërkurën pasi...
EL SALVADOR- Presidenti i El Salvadorit, Nayib Bukele, do të kërkojë një mandat të tretë radhazi në zgjedhjet presiden...
Pete Hegseth SHBA- Sekretari amerikan i Mbrojtjes, Pete Hegseth, njoftoi më 30 shtator një ulje prej 20% të posteve të rezervuara ...
Pamje KINA- Një aksident i rëndë automobilistik në Kinë përfundoi me plagosjen e një nëne dhe fëmijës s&e...
Foto ilustruse SHBA- Autoritetet në Pensilvani , një shtet në lindje të Shteteve të Bashkuara, konfirmuan të mërkur...
