Pas dy fitoreve në dy ndeshjet e para të Nations League, Kombëtarja shqiptare përballet me Finlandën në një duel që mund të ketë peshë të madhe për kreun e grupit C1. Kuqezinjtë vijnë pas triumfit 3-0 ndaj San Marinos, ndërsa Finlanda ka 4 pikë pas fitores 7-0 ndaj San Marinos dhe barazimit pa gola me Bjellorusinë.
Sfida e 3 tetorit në Helsinki është edhe një rikthim pas më shumë se dy dekadash. Historia mes dy përfaqësueseve numëron 7 përballje: Finlanda ka 4 fitore, Shqipëria 2, ndërsa një takim është mbyllur në barazim. Përballja e fundit daton prej shumë vitesh, ndaj kjo do të jetë një faqe e re në këtë rivalitet.
Në kampin kuqezi vjen edhe një lajm i mirë. Klisman Cake është rikuperuar dhe është bashkuar me grupin në stërvitje, duke qenë i gatshëm për sfidën ndaj Finlandës. Mbrojtësi kishte munguar në ndeshjen me San Marinon për shkak të shqetësimeve muskulore.
Me gjashtë pikë në dy ndeshje, Shqipëria kërkon të vazhdojë serinë pozitive dhe të marrë një rezultat që do ta mbajë në garën direkte për vendin e parë. Përballë është një Finlandë që gjithashtu kërkon kreun, në një duel ku çdo pikë mund të jetë vendimtare për objektivat e kuqezinjve në këtë Nations League.Dueli luhet të shtunën në orën 15:00. (A2 Televizion)
A2 CNN Livestream
MUND TE LEXONI GJITHASHTU
