“Shpesh rri lakuriq në shtëpi, ishte gabim fatal”, mësuesi në Itali dërgon në grupet e bisedës me nxënësit foto të pjesëve intime 01/10 11:08
Skema e ngjyrave
Madhësia e shkrimit
Autoritetet shëndetësore në Pensilvani kanë konfirmuar vdekjen e pestë të lidhur me shpërthimin e fruthit në këtë shtet, ndërsa Shtetet e Bashkuara po përballen me numrin më të lartë të rasteve të sëmundjes në 35 vitet e fundit.
Departamenti i Shëndetësisë i Pensilvanisë bëri të ditur se personi që humbi jetën nuk ishte vaksinuar kundër fruthit dhe jetonte në Qarkun Lancaster. Autoritetet nuk dhanë detaje të tjera mbi viktimën.
Lancaster është i njohur për komunitetin e madh Amish që jeton në këtë zonë, një komunitet i krishterë tradicional ku niveli i vaksinimit është dukshëm më i ulët krahasuar me popullsinë e përgjithshme.
Fruthi u shpall i eliminuar në Shtetet e Bashkuara në vitin 2000, pas dekadash vaksinimi, por sëmundja është rikthyer fuqishëm vitet e fundit, e nxitur nga rënia e normave të vaksinimit dhe rritja e mosbesimit ndaj autoriteteve shëndetësore.
Në Pensilvani, zyrtarët shëndetësorë kanë lidhur katër vdekje të tjera me fruthin që nga gushti: dy foshnje që ishin shumë të vogla për t’u vaksinuar, një 18-vjeçar dhe një 40-vjeçar.
Që nga fillimi i vitit 2026, në SHBA janë raportuar më shumë se 3,650 raste të konfirmuara në laborator me fruth, prej të cilave mbi 900 janë regjistruar në Pensilvani. Shifrat përbëjnë nivelin më të lartë të rasteve në vend që nga viti 1991.
Fruthi është një sëmundje shumë ngjitëse që mund të shkaktojë temperaturë të lartë, vështirësi në frymëmarrje dhe skuqje të lëkurës. Në raste më të rënda mund të shkaktojë komplikime, përfshirë pneumoni dhe inflamacion të trurit, që mund të çojnë edhe në vdekje.
Para zhvillimit të vaksinës në fillim të viteve 1960, fruthi shkaktonte qindra vdekje të fëmijëve çdo vit në Shtetet e Bashkuara. Në nivel global, sëmundja vazhdon të shkaktojë dhjetëra mijëra vdekje çdo vit.
Top Channel
