Kryeministri Albin Kurti pritet të nisë këtë të enjte kontaktet me drejtuesit e paritve opozitare, në përpjekje për të gjetur një zgjidhje për zgjedhjen e presidentit të ri të Kosovës. Ai ka bërë me dije se bisedimet do të nisin pas takimit të planifikuar me presidenten e Komisionit Evropian, Ursula von der Leyen.
I pari i qeverisë së Kosovës foli për këtë çështje pas homazheve në nderim të ish rektorit të Universitetit të Prishtinës, Ejup Statovci. Kurti tha se synimi është që procesi të përmbyllet përpara skadimit të afatit kushtetues, duke shmangur një situatë ku vendi mbetet pa Kuvend.
“Menjëherë do të fillojmë komunikimet për takime me krerët e opozitës, në mënyrë që të mos jemi pa Kuvend më 7 tetor, por më së largu deri më 6 tetor ta kemi presidentin apo presidenten e re”, deklaroi Kurti.
Afati kushtetues për zgjedhjen e presidentit përfundon më 6 tetor. Nëse brenda kësaj date nuk arrihet zgjedhja e kreut të ri të shtetit, procedura parashikon shpërndarjen e Kuvendit dhe zhvillimin e zgjedhjeve të reja.
Sondazh
Lexo gjithashtu
