Tabela e reklamave në Rinas përfshihet nga flakët

Nje tabele reklamash ne aeroportin Ndërkombëtar “Nënë Tereza” është përfshirë nga flakët rreth orës 06:40 të mëngjesit diten e sotme.

Autoritetet dhe shërbimet e emergjencës kanë mbërritur në vendngjarje dhe po punojnë për të verifikuar situatën dhe për të përcaktuar përmasat e incidentit.

Ka qene vete aeroporti qe ka theksuar se shkak i ngjarjes ka qene nje shkendije elektrike. Nderkohe incidenti nuk ka shkaktuar asnje vonese apo problematike ne punen e perditshme te aeroportit dhe ne skedulin e fluturimeve.

Sipas njoftimit te dhene nga vete aeroporti i Tiranes, sherbimet e emergjences kane nderhyre ne kohe dhe siguria apo normaliteti i operimit nuk eshte cenuar ne asnje moment.

Si pasoje e incidentit, te gjithe personat e pranishem jane evakuuar nga zona e prekur ndersa jane shtuar sportele shtese me qellim shmangien e vonesave apo anomalive te mundshme.