Ndryshimet në Procedurën Penale/ Korreshi: Nxit amnistinë, lehtësim vetëm për “hallexhinjtë”

Deputeti demokrat, Saimir Korreshi, komentoi sot ndryshimet e prezantura në Kodin e Procedurës Penale.

Në një lidhje për "A2CNN", Korreshi u shpreh se politikisht, ky akt vjen në një kohë kur kërkohet veprim i shpejtë për çështje të caktuara.

Korreshi ndau edhe një vlerësim si jurist, se ndryshimet e reja do të krijojnë mundësi për amnisti të shumta, rishikime dënimesh dhe ‘hapje rruge’ për avokatët.

“Do të lehtësojë disa procedura për hallexhinjtë. Politikisht mund të them se sa herë që ka një hall të madh, dalin këto ligje me një lloj shpejtësie sepse pas kësaj, i bie të ketë një amnisti tjetër. Pra, për veprat penale me dënime nën 5 vite. Do t’u japë mundësi avokatëve të japin kërkesa për rishikime dënimesh dhe hapet rruga”,-tha Korreshi./CNA