Cristiano Ronaldon e ndoqën deri në aeroport për të mos braktisur Kombëtaren, çfarë ndodhi?
Cristiano Ronaldo duket se ishte i vendosur për t’u larguar nga grumbullimi i Portugalisë.
Sipas raportimeve të publikuara nga Marca, trajneri Jorge Jesus dhe presidenti i Federatës Portugeze të Futbollit, Pedro Proença, shkuan deri në aeroportin e Kopenhagës në një përpjekje të fundit për ta bindur kapitenin të qëndronte me skuadrën.
Por tentativa nuk pati sukses. Ronaldo raportohet se nuk ndryshoi vendimin, hipi në avionin e tij privat dhe u largua nga Danimarka.
Largimi erdhi pasi Ronaldo kishte njoftuar publikisht se po largohej nga grumbullimi, duke thënë se në një moment të përshtatshëm do të tregojë arsyet që e çuan drejt këtij vendimi.
Federata Portugeze konfirmoi zyrtarisht largimin e tij nga grumbullimi, por Ronaldo nuk ka njoftuar zyrtarisht tërheqjen përfundimtare nga Kombëtarja.
“Në kohën e duhur do t’u tregoj të gjithë portugezëve arsyet që më shtynë të largohem nga Kombëtarja, së cilës gjithmonë i jam përkushtuar”, është shprehur Ronaldo.
