Kombëtarja e Kosovës ka përfunduar përgatitjet për ndeshjen e sotme kundër Izraelit, pas një seance të lehtë stërvitore të zhvilluar paradite në Debrecen.
Të lidhura
None found
Stërvitja e fundit e Dardanëve u mbajt sot, e enjte, në prag të përballjes që do të zhvillohet në “Nagyerdei Stadion” të Debrecenit, në Hungari.
Federata e Futbollit të Kosovës bëri të ditur se futbollistët kanë zhvilluar një seancë me ngarkesë të ulët, ndërsa vëmendja e ekipit tashmë është përqendruar tërësisht te sfida me Izraelin.
Me përfundimin e kësaj seance, trajneri Franco Foda dhe lojtarët e tij i kanë mbyllur përgatitjet dhe presin vetëm fillimin e takimit.
Ndeshja mes Kosovës dhe Izraelit do të luhet sonte në orën 20:45, në kuadër të Grupit 3 të Ligës B në Ligën e Kombeve.
Pas humbjes ndaj Austrisë, Kosova synon të marrë një rezultat pozitiv në Debrecen dhe të mbetet në garë për një renditje sa më të mirë në grup.
