Mazniku “kunja” PD-së: 100 bashki si komunat e dikurshme, me vulë te çorapet

Bashkëkryetari i Komisionit të Posaçëm të Reformës Administrativo-Territoriale, Arbjan Mazniku, komentoi sot propozimin e Partisë Demokratike për ndarjen e vendit në 100 bashki.

Duke folur për “A2 CNN”, Mazniku u shpreh se ky propozim ngjason me komunat e sistemit komunist, që shton centralizimin e vendit.

Mazniku mbrojti propozimin e socialistëve, duke argumentuar se një numër më i vogël bashkish krijon më shumë efektivitet dhe shërbime për qytetarët.

“Zgjidhja më e mirë që mund të ketë Shqipëria në këtë moment, për të pasur mundësinë për të zgjidhur të gjithë objektivat që ne kemi. Bashki më të forta dhe eficiente, shërbime më të mira për qytetarët. Teksa tentohet të shitet opsioni i 100 bashkive si decentralizim, në fakt, është krejt e kundërta. Nëse do të kemi më shumë bashki të vogla, do të kemi si komunat e dikurshme që mundoheshin të rrinin me vulë te çorapet”,-tha Mazniku./CNA