Një aksident i rëndë është shënuar pak minuta më parë në aksin rrugor në Fushë-Krujë.
Sipas të dhënave paraprake, automjeti me të cilin udhëtonin dy personat ka humbur kontrollin dhe është përplasur me forcë me trafikndarësen e rrugës.
Përplasja ka qenë e fortë, duke shkaktuar dëme të konsiderueshme në automjet. Dy personat që ndodheshin në mjet dyshohet se kanë humbur jetën në vendngjarje, si pasojë e plagëve të marra.
Në vendin e aksidentit ka mbërritur grupi hetimor, ndërsa vijojnë verifikimet për të përcaktuar shkaqet dhe rrethanat e plota të aksidentit./Versus.al
Poll
