Një zjarr i madh ka përfshirë zonën e Manatisë dhe Barbullonjës në Lezhë, duke krijuar rrezik për banesat pranë vatrës së zjarrit.
Flakët janë përhapur në ferra dhe shkurre në një sipërfaqe të konsiderueshme, ndërsa era e fortë po favorizon përhapjen e mëtejshme të zjarrit.
Forcat zjarrfikëse ndodhen në terren dhe po punojnë për vënien nën kontroll të flakëve, ndërsa situata vijon të mbetet problematike për shkak të kushteve të favorshme për përhapjen e zjarrit.