Kompozitori Adrian Hila është paraqitur këtë mbrëmje në Drejtorinë e Policisë së Tiranës, ku prej orës 20:00 po merret në pyetje nga efektivët, në kuadër të hetimeve pas publikimit dhe shpërndarjes online të videove intime.
Hila është thirrur nga policia pas qarkullimit të materialeve të filmuara në studion e tij muzikore, ku shfaqen edhe disa personazhe publike.
Sipas deklarimeve të tij të mëparshme, kompozitori është shprehur i tronditur nga publikimi i videove dhe ka pretenduar se edhe ai është viktimë e situatës.
Paraqitja e tij në polici vjen në një kohë kur autoritetet po hetojnë rrethanat e publikimit dhe shpërndarjes së materialeve intime në internet.
