Lionel Messi ka bërë një tjetër lëvizje të bujshme jashtë fushës, duke blerë zyrtarisht klubin spanjoll Eldense.

Legjenda argjentinase bëhet kështu pronar i një tjetër skuadre në Spanjë, pas blerjes së UE Cornellà.

Lajmi është konfirmuar nga vetë Eldense, që ka njoftuar nisjen e një kapitulli të ri në historinë e klubit.

“Lionel Messi ka marrë drejtimin e klubit”, thuhet në njoftimin zyrtar të skuadrës.

Eldense militon në divizionin e dytë spanjoll, por aktualisht ndodhet në vendin e 19-të të renditjes.

Pas shtatë javësh, skuadra ka regjistruar vetëm një fitore, dy barazime dhe katër humbje.

Klubi nga Elda u rikthye në këtë nivel në sezonin 2023/24, pas një pritjeje prej rreth 60 vitesh.

Stadiumi i tij, “Nuevo Pepico Amat”, ka një kapacitet prej rreth 5,800 tifozësh.

Investimi në Eldense është pjesë e strategjisë së Messit për të ndërtuar një portofol klubesh futbolli.

Argjentinasi po investon gjithnjë e më shumë në projekte që lidhen me zhvillimin dhe zbulimin e talenteve.

Shuma e paguar për blerjen e Eldenses nuk është bërë ende publike.

Në muajt e fundit është raportuar për një ofertë prej rreth 12 milionë eurosh, por kjo shumë nuk është konfirmuar zyrtarisht.

Messi vazhdon ndërkohë karrierën si futbollist te Inter Miami, ndërsa investimet e tij në futboll po marrin një tjetër dimension.