Presidenti amerikan, Donald Trump ka paralajmëruar Iranin për një përgjigje të ashpër nëse konfirmohet se Teherani ka lidhj...
BOTA
448 zyrtarë të futbollit turk hetohen për baste të paligjshme
PiranjatPërditësimi i fundit 2 Tetor 2026, 09:49
Presidenti i Trabzonspor dhe 447 figura të tjera të futbollit në Turqi po hetohen nga Federata Turke e Futbollit për baste të paligjshme, ndërsa futbolli turk vendin mbetet nën mikroskopin e gjyqësorit.
Muajin e kaluar, shtatë persona u arrestuan me urdhër arresti të prokurorit, përfshirë kreun e komitetit të arbitrimit të federatës së futbollit, Ferhat Gudogdu.
Gjyqësori i bëri këto arrestime si pjesë e një hetimi disamujor për vepra penale që përfshijnë, ndër të tjera, falsifikim të dokumenteve zyrtare dhe akuza për ndërhyrje në proceset e vlerësimit dhe emërimit të gjyqtarëve.
Tani federata turke ka njoftuar se po i referon organeve të saj disiplinore 448 zyrtarë që kanë mbajtur pozicione administrative në klube të divizionit të parë dhe të dytë në pesë vitet e fundit.
Sipas federatës, këta aktorë u identifikuan si persona që kishin vënë baste ilegalisht në shuma të mëdha në platforma të ndryshme dhe kishin realizuar fitime prej disa milionë dollarësh.
Lista prej 448 faktorësh përfshin 13 emra nga Trabzonspor, përfshirë kryetarin Ertugrul Dogan, 10 nga Besiktas, pesë nga Galatasaray dhe tre nga Fenerbahce.
Ndërkohë, të enjten, dy gjyqtarë nga divizioni më i lartë turk i futbollit u morën në pyetje. Ata janë Yasin Kol dhe Goktug Hazar Erel, të cilët akuzohen për “bashkëpunim në falsifikim” dhe “shpërdorim të detyrës”.
