“Çfarë po i ndodh”, Adriana Lima tërheq vëmendjen në Paris me ndryshimin në peshë, fansat: E ka tepruar
Modelja braziliane Adriana Lima tërhoqi vëmendjen gjatë Javës së Modës në Paris, pasi paraqitja e saj në një event të Revolve Magazine shkaktoi komente të shumta në rrjetet sociale. Vëmendja u përqendrua veçanërisht te ndryshimi i dukshëm në siluetën e saj dhe këmbët shumë të holla.
VIDEO– Adriana Lima, Paris Fashion Week
45-vjeçarja mori pjesë në eventin e mbajtur më 29 shtator, ku u shfaq me një fustan të shkurtër lëkure në stil xhakete. Fotot dhe videot nga mbërritja e saj u shpërndanë me shpejtësi online, duke nxitur reagime të ndryshme nga ndjekësit.
Disa përdorues të rrjeteve sociale shprehën habinë për pamjen e saj dhe ngritën pikëpyetje rreth humbjes së peshës. Komentet u përqendruan kryesisht te këmbët e saj, ndërsa disa të tjerë vunë re ndryshime edhe në tiparet e fytyrës. Të tjerë e lidhën në mënyrë spekulative ndryshimin me përdorimin e Ozempic ose me humbjen e masës muskulore.
“Më vjen keq, por çfarë u ndodhi këmbëve të Adriana Limës ?” shkroi një person, ndërsa një tjetër komentoi: “ Këmbët e saj janë më të holla se krahët e mi .” Komente të tjera shqetësuese në rrjetet sociale ishin në të njëjtën linjë: “E ka tepruar ”, “Ishte e bukur, por tani nuk i ngjan më vetes” dhe “Edhe fytyra e saj ka ndryshuar ”.
Megjithatë, pati edhe ndjekës që e mbrojtën modelen, duke theksuar se ndryshimi në peshë apo pamje nuk është domosdoshmërisht arsye për shqetësim. Paraqitja e saj në Paris vjen disa javë përpara rikthimit të saj të paralajmëruar në pasarelë për shfaqjen e Victoria’s Secret.
Lima është përballur edhe më parë me komente të ngjashme për pamjen e saj. Në nëntor 2023, pas premierës së filmit “The Hunger Games: The Ballad of Songbirds & Snakes”, ajo iu përgjigj kritikave në Instagram, duke thënë se pamja e saj ishte ajo e “një nëne të lodhur”, duke iu referuar angazhimeve me fëmijët dhe jetës së përditshme.
