Rritet presioni ndaj Iranit, Trump dërgon aeroplanmbajtësen e tretë dhe mijëra trupa në Lindjen e Mesme

Presidenti Donald Trump po dërgon deri në 10,000 trupa në bordin e një grupi anijesh në Lindjen e Mesme, duke sinjalizuar se një raund i ri sulmesh ndaj Iranit mund të jetë shumë afër.

Zyrtarët amerikanë thanë se anijet, avionët luftarakë, marinsat dhe marinarët do të mbërrijnë në rajon deri në fund të nëntorit, afërsisht në të njëjtën kohë kur Presidenti i SHBA-së pret të rifillojë bombardimet e Republikës Islamike.

Ushtarët shtesë në anijet luftarake që u dislokuan këtë javë do t’i shtojnë më shumë se 50,000 trupave që ndodhen tashmë në rajon, një përforcim i madh ushtarak.

Konfirmimi i vendosjes së trupave vjen ndërsa Trump paralajmëroi se nëse Irani do të ishte i përfshirë në përpjekjen për rrëmbim të avionit Flydubai me destinacion Izraelin , SHBA-të do të nisnin një valë tjetër sulmesh .

Kur u pyet nëse regjimi ishte pas sulmit, ai u tha gazetarëve: “Do të thoja se përgjigjja, bazuar në atë që po dëgjoj, është po, por ne po punojmë për këtë tani.”

Një gazetar tjetër pyeti më pas nëse SHBA-të do të hakmerreshin nëse Irani qëndronte pas sulmit.

Presidenti u përgjigj: “Oh, ata do të goditen, shumë rëndë, mos u shqetësoni. Thjesht pyetini ata. Ata e dinë çfarë ka ndodhur. Ata do të goditen shumë rëndë.”

Në një intervistë për revistën Time të botuar më herët këtë të premte, Trump ngriti gjithashtu mundësinë e sulmeve të reja.