Protesta kundër qeverisë/ Qytetarët sërish në shesh: Përgjegjësia nuk mbaron me një fjalim të Ramës. Përplasen me policinë gjatë marshimit
Protesta e 124-t kundër Edi Ramës, qytetarët: Përgjegjësia nuk mbaron me një fjalim 1 Tetor, 19:29 ...
Protesta e 124-t kundër Edi Ramës, qytetarët: Përgjegjësia nuk mbaron me një fjalim 1 Tetor, 19:29 ...
Von der Leyen kërkon zgjedhjen e presidentit: Stabiliteti institucional është themeli i gjithçkaje 1 Tetor, 16:0...
Skandali i SHISH/ Përfundon Konferenca e Kryetarëve, rrëzohet kërkesa e opozitës për mocion me debat 1 Tetor, 11...
"Shqipëria kërkon revolucion"/ Mbyllet protesta e 123-të kundër qeverisë, qytetarët në kor: Arrestoni Ram&eum...
Ajo që nisi vite më parë si një rrugëtim shtegtarësh, sot është shndërruar në një model solidariteti, kulture dhe suksesi shoqëror, duke u radhitur si një ndër komunitetet më solide dhe më të integruara të rajonit.
VALDARNO – Nën diellin e butë të Toskanës, mes kodrave të gjelbra e vreshtave të Valdarnos aretino dhe fiorentino, komuniteti shqiptar po shkruan një nga kapitujt më prekës dhe më të suksesshëm të historisë së tij të bashkëjetesës. Ajo që nisi vite më parë si një rrugëtim shtegtarësh, sot është shndërruar në një model solidariteti, kulture dhe suksesi shoqëror, duke u radhitur si një ndër komunitetet më solide dhe më të integruara të rajonit. Kjo tokë, e pasur me tradita të lashta dhe një kulturë të spikatur toskane, u bë djepi i ri ku shqiptarët gjetën jo vetëm mikpritje, por edhe një terren plonjës për të bashkuar vlerat e tyre med ato të rajonit.
Vatra ku ngrohet gjuha amtare dhe puna e heshtur e Baftjar Kondit
Ura e parë e këtij rrugëtimi u hodh falë iniciativës vizionare të shumë bashkatdhetarëve tanë, të cilët bashkuan vullnetet për të themeluar Shoqatën Kulturore "Vëllazëria Shqiptare". Në krye të këtij misioni, një rol të jashtëzakonshëm dhe një punë absolutisht vetëmohuese ka luajtur presidenti i saj, Z. Baftjar Kondi. Me një përkushtim të palodhur dhe duke sakrifikuar nga koha e tij familjare e profesionale, ai u bë motori që mbajti gjallë frymën e bashkëpunimit, duke qenë pika e referimit për çdo shqiptar në rajon.
Nga ky trung vëllazërie lindi edhe kryevepra e tyre: Shkolla Shqipe "Nënë Tereza". Çdo fundjavë, ky tempull i fjalës shqipe mirëpret fëmijë të moshës 7-14 vjeç. Në ato banka, filizat e rinj të rritur mes dy kulturave po zbulojnë dritën e alfabetit, melodinë e gjuhës amtare dhe rrënjët e tyre të pashlyeshme. Mësimi i gjuhës amtare në diasporë nuk është thjesht një proces didaktik, por një akt ekzistencial identiteti. Përmes saj, fëmijët e brezit të dytë dhe të tretë ndërtojnë një urë shpirtërore me atdheun e prindërve, duke mësuar se të jesh pjesë e një bote globale do të thotë, para së gjithash, të njohësh dhe të respektosh zanafillën tënde.
Apostujt e arsimit dhe një miqësi institucionale
Ky mision kaq fisnik nuk do të kishte qenë i mundur pa sakrificën e mësuesve të përkushtuar. Në ballë të kësaj rilindjeje kulturore qëndrojnë veterani i arsimit vlonjat, Prof. Hamdi Kulaj, dhe Prof. Mirela Dimitrovski. Me pasion e durim apostolik, ata kanë vaditur shpirtrat e fëmijëve. Prof. Kulaj, duke kujtuar rrugëtimin e vështirë të shkollës, shpesh thekson:
"Gjuha shqipe në mërgim nuk është thjesht një lëndë mësimi, është fryma që mbron shpirtin e fëmijëve tanë nga harresa. Kur shoh sytë e tyre që shkëlqejnë teksa belbëzojnë shkronjat e para shqip, ndiej se çdo sakrificë ka vluar plotësisht."
Por suksesi i këtij komuniteti ka prekur edhe zemrën e tokës mikpritëse. Puna e ndershme dhe këmbëngulja e shqiptarëve arritën të bindnin autoritetet lokale për rëndësinë e këtyre vlerave. Një ndihmesë të pashembullt in këtë drejtim ka dhënë Kryekomunarja e Montevarchi-t, Dr. Silvia Chiassai. Me vizionin e saj qytetar dhe ndjeshmërinë e lartë njerëzore, ajo u bë ura institucionale që seksionet e kopshtit të ri në Levanella të intituloheshin me emrin e "Nënë Terezës". Gjatë ceremonisë, Dr. Chiassai u shpreh:
"Bashkë me komunitetin shqiptar i kushtuam dy seksionet e kopshtit të ri Nënë Terezës së Kalkutës, e cila ia kushtoi jetën njerëzve më në nevojë... Është një angazhim i marrë me komunitetin shqiptar, të cilin e kemi ndarë dhe realizuar duke menduar për shembullin e madh që Nënë Tereza vazhdon të përfaqësojë për botën."
Ndërthurja me kulturën valdarnese: Një dialog vlerash
Ky integrim i shkëlqyer nuk ndodhi në vakum. Shqiptarët e Valdarnos kanë ditur të përqafojnë med respekt të thellë kulturën valdarnese – një kulturë e karakterizuar nga një histori e pasur humanizmi, dashuri për artin, lidhje e fortë med tokën dhe një etikë e lartë pune. Kjo zonë njihet me krenari si vendlindja e gjenive të tillë të përmasave botërore si piktori i madh i Rilindjes së hershme Masaccio, apo filozofi e humanisti i shquar Marsilio Ficino, të cilët i dhanë dritë mendimit dhe artit evropian.
Duke jetuar pranë këtyre qendrave historike, duke marrë pjesë në festat tradicionale dhe duke ndarë të njëjtën përditshmëri med banorët vendas, komuniteti shqiptar ka krijuar një simbiozë unike. Vlerat tradicionale shqiptare, si mikpritja, besa dhe respekti për familjen, kanë gjetur një pasqyrim natyral në shpirtin bujar dhe solidar të banorët të Valdarnos. Ky dialog kulturor ka pasuruar të dyja palët, duke dëshmuar se diversiteti, kur ndërtohet mbi respektin reciprok, nuk ndan, por afron.
Suksesi i sipërmarrjes shqiptare: Një shtyllë për të gjithë bashkësinë
Në këtë mozaik arritjesh, një vend nderi zë fuqia ekonomike dhe fryma e jashtëzakonshme e sipërmarrjes. Firmat dhe bizneset shqiptare në Valdarno sot njohin vetëm suksese, duke u shndërruar në punëdhënës seriozë dhe partnerë të besueshëm në tregun lokal. Nga ndërtimi te shërbimet, këto ndërmarrje nuk sjellin thjesht mirëqenie ekonomike, burim punësimi dhe zhvillim, por janë kthyer në një shtyllë jetike për mbarëvajtjen e jetës së përditshme të të gjithë zonës.
Ajo që i bën vërtet të veçanta këto firma është shpirti i tyre filantropik. Sa herë që komuniteti shqiptar apo vetë bashkësia qytetare toskane ka nevojë për mbështetje, sipërmarrësit shqiptarë janë të parët që shtrijnë dorën e ndihmës, duke financuar projekte kulturore, nisma sociale dhe duke u kthyer në një krah të ngrohtë për çdo nevojë të përbashkët.
Studentët shqiptarë: Krenaria në piedestalet e rajonit
Sot, shqiptarët e Valdarnos nuk janë më thjesht të integruar; ata janë protagonistë. I gjejmë në piedestalet më të larta të sferave sociale, kulturore dhe ekonomike të provincës.
Mbi të gjitha, janë studentët shqiptarë ata që përbëjnë kurorën e kësaj krenarie. Të edukuar med dashurinë për punën, gjuhën amtare dhe respektin për dy atdhetë e tyre, ata po shkëlqejnë në auditorët e universiteteve më të mira, duke dëshmuar se kur rrënjët janë të forta, degët prekin qiellin e suksesit.
Komuniteti shqiptar në Valdarno nuk po ndjek më historinë – ai po e shkruan atë çdo ditë me dinjitet të lartë.
Irena Beqiraj Intimiteti nuk është thjesht një akt fizik, as vetëm një akt emocional; është një urë midis shpi...
Edi Rama eshte i vetmi kryeminister qe doli para gjithe botes dhe i pershkroi qytetaret e tij si anti-semite pa iu dridhur qerpiku. E beri ne menyren me te ne...
Besmir Semanaj Çmendet Rama Sot ne OKB para përfaqësuesve të 193 shteteve, mes tyre SHBA-ja me miliardat e saj në çipa d...
Rezarta Gagani Përballë pallatit tim po ndërtohet një pallat. Pallati ku banoj është i pari në vijën e rrugës....
Auron Janku Ka një sëmundje politike që nuk diagnostikohet me analiza gjaku. Quhet Sindroma e Stokholmit politik: viktima fillon të mbr...
Ola Xama Po “Cereni” qe i ke dhene token e ushtrise me 1 euro per te bere restorant cfare eksporton? Dhe kjo pa patur asgje personale me person...
Idriz Konjari Shqipëria po hedh hapa të sigurt drejt integrimit në Bashkimin Evropian, por do te ishte gabim që integrimi evropian t&eu...
I strukur ne nje qeli te IEVP Durres, nen "shoqerine" e gardianit te turnit, Erion Veliaj ka arritur te siguroje nje leter zyrtare te cilen ka hedhur per te d...
TIRANE- Pamje të shëmtuara, të neveritshme, rrëqethëse për dikë dhe “anormale” për një tjetër. K...
Mbushja e sallës së Kuvendit me përfaqësues të diasporës duhej të ishte një demonstrim force për Albin Kurtin. Po...
