Gjykata e la në burg/ Zbardhet dëshima e Eraldo Fizit: E kam dhunuar vetëm një herë, por e kam dashur... 2 Tetor, 12:...
Protesta e 124-t kundër Edi Ramës, qytetarët: Përgjegjësia nuk mbaron me një fjalim 1 Tetor, 19:29 ...
Von der Leyen kërkon zgjedhjen e presidentit: Stabiliteti institucional është themeli i gjithçkaje 1 Tetor, 16:0...
Skandali i SHISH/ Përfundon Konferenca e Kryetarëve, rrëzohet kërkesa e opozitës për mocion me debat 1 Tetor, 11...
Sipas tij, projekti në Sazan dhe Zvërnec po kritikohet për shkak të lidhjes me presidentin e SHBA-së Donald Trumpit.
TIRANË- Kryeministri Edi Rama ka folur për luftën kundër korrupsionit dhe arrestimin e ish-drejtoreshës së Shërbimit Informativ të Shtetit, Vlora Hyseni. Në një intervistë për median gjermane WELT, i pyetur për korrupsionin në Shqipëri dhe për arrestimet e zyrtarëve të lartë, Rama u ndal te puna e institucioneve të drejtësisë dhe veçanërisht te SPAK-u.
Në pyetjen e saj, WELT iu referua edhe arrestimit të ish-drejtoreshës së Shërbimit Informativ të Shtetit, duke e vendosur atë në kuadër të rasteve të tjera të hetimeve dhe dënimeve të zyrtarëve të lartë. Hyseni u arrestua në kuadër të një hetimi të SPAK-ut, ndërsa çështja e saj është pjesë e një serie procedimesh që kanë prekur edhe figura të tjera të rëndësishme të administratës dhe politikës shqiptare.
Duke u ndalur tek protestat të cilat po zhvillohen në Tiranë, ku kërkohet dorëheqja e tij, Rama tha se protestuesit kanë shqetësime që janë tërësisht të ligjshme, por nxiten nga gënjeshtra dhe teoritë konspirative. Sipas tij, projekti në Sazan dhe Zvërnec po kritikohet për shkak të lidhjes me presidentin e SHBA-së Donald Trumpit. Kryeministri tha se ky fakt ka sjellë në Shqipëri të gjitha mediat e botës dhe të gjithë të majtët.
Pjesë nga intervista
WELT AM SONNTAG: Në Shqipëri korrupsioni mbetet ende një problem. Drejtuesja e shërbimit sekret është arrestuar, ndërsa ka edhe shumë raste të tjera hetimesh dhe dënimesh. Çfarë po bëni kundër kësaj?
Edi Rama: Shqipëria ishte një vend ku korrupsioni ishte sistemi. Sot Shqipëria është një vend ku sistemi lufton kundër korrupsionit. Jemi në fazën përfundimtare të pastrimit të vendit.
WELT AM SONNTAG: Struktura e Posaçme Kundër Korrupsionit, SPAK, nën mbikëqyrjen e SHBA-së dhe BE-së, po vepron ashpër ndaj zyrtarëve të rangut të lartë. A funksionon?
Edi Rama: Pjesërisht është e dhimbshme. Jo të gjitha procedurat, sipas mendimit tim, përputhen me standardet europiane. Shqipëria ka normën më të lartë të të burgosurve në paraburgim në kontinent. Por ky është pjesë e një procesi të ashpër dhe të pashmangshëm. Ne duhet të marrim vlerësim për këtë.
WELT AM SONNTAG: Ka zëra që kërkojnë prej jush përgjegjësi politike, duke pasur parasysh arrestimet dhe dënimet e personave në rrethin tuaj…
Edi Rama: Para se të merrja detyrën, që nga viti 1912, kur u themelua shteti ynë, asnjë ministër në Shqipëri nuk kishte dalë ndonjëherë përpara një prokurori të pavarur. Jam krenar që vendi ynë tani është në gjendje t’i mbajë njerëzit përgjegjës, kudo që ndodhen. Kjo është përgjegjësia ime politike.
WELT AM SONNTAG: Por duket se mungon besimi. Prej muajsh qytetarët protestojnë përpara selisë suaj të qeverisë. Shkak ishte një projekt i planifikuar investimi për një resort luksoz nga Jared Kushner, dhëndri i presidentit amerikan. Protestuesit ju akuzojnë se po e shisni Shqipërinë.
Edi Rama: Jetojmë në një botë ku gjithmonë dikush është i revoltuar. Çdo demokraci vuan nga kjo. Protestuesit kanë shqetësime që janë tërësisht të ligjshme dhe këtë nuk e mohoj. Por ata nxiten nga gënjeshtra dhe teoritë konspirative.
WELT AM SONNTAG: Në këtë projekt bëhet fjalë për katër miliardë dollarë, një shumë gjigante. Ju, përmes kontakteve tuaja me presidentin amerikan, keni luajtur një rol të rëndësishëm në këtë çështje. Ku e vendosni kufirin mes diplomacisë ekonomike dhe një sistemi që varet shumë nga marrëdhëniet tuaja personale?
Edi Rama: Edhe ju jeni viktimë e një narrative që përsëritet vazhdimisht. Kur filloi e gjithë kjo, Trump nuk ishte më në detyrë; ai mund të kishte përfunduar në burg ose të ishte kthyer në Shtëpinë e Bardhë. Për më tepër, ende nuk ka një kontratë përfundimtare – jemi ende duke negociuar. Edhe vlerësimi i ndikimit në mjedis është ende në proces.
Në fakt, bëhet fjalë për dy projekte të ndara. Njëri ndodhet në një ishull që është pronë publike. Vetëm tetë për qind e këtij ishulli mund të ndërtohet dhe ishulli mbetet publik. Tjetri ndodhet në një gadishull që është në pronësi private.
Nëse do të sillnit kapital të huaj në Gjermani, a do të thoshit se Gjermania po shitet? A do të thoshit: Gjermania u përket gjermanëve? Unë përfaqësoj interesat e vendit tim dhe do të vazhdoj.
WELT AM SONNTAG: Pse atëherë projekti po kritikohet ndërkombëtarisht?
Edi Rama: Është hija e gjatë e Donald Trumpit, e cila ka sjellë këtu të gjitha mediat e botës dhe të gjithë të majtët. Unë u kam thënë miqve të mi demokratë në Amerikë: Nëse nuk mundeni ta mundni Trumpin në Amerikë, mos ejani në Shqipëri për tu hakmarrë. Kjo nuk është e drejtë./Dosja.al
Komisioni i Ligjeve TIRANË- Diskutimet në Komisionin e Ligjeve për ndarjen e re territoriale janë shoqëruar me batuta e të qe...
Luçiano Boçi TIRANA- Luçiano Boçi, deputeti i Partisë Demokratike ka folur në Komisionin e Ligjeve ku ka kundër...
Erion Brace TIRANË- Deputeti socialist Erion Braçe është përplasur me banorët e Memaliajt, të cilët po protestoni...
TIRANË- Mbledhja e Komisionit të Ligjeve është shoqëruar me detate të mëdha për reformën administrativo-territori...
Albin Kurti KOSOVA- Kryeministri i Kosovës, Albin Kurti, ka deklaruar ditën e sotme se kanë filluar komunikimet me subjektet politike p...
Edi Rama TIRANA- Kryeministri i vendit, Edi Rama u ka bërë thirrjet investitorëve të huaj të investojnë në Shqip&eu...
Edi Rama TIRANA- Kryeministri i vendit, Edi Rama ka marrë pjesë në aktivitetin “Future Hospitality Forum 2026”. Gjatë ...
Foto ilustruese TIRANA- Kryeministri Edi Rama ka ironizuar demokratët amerikanë për protestat e vazhdueshme kundër projektit të re...
Pamje nga takimi TIRANA- Kryetari i Kuvendit, Niko Peleshi ka zhvilluar një takim ambasadorin e ri të SHBA-ve, Eric Wendt, me rastin e mir&...
Andis Salla Ministri Andis Salla e ka gjetur mënyrën se si t’i kthejë sytë nga bujqësia, duke organizuar takime në rest...
