SPAK zbarkon në vilën e Yeffet/ Deputeti i PD-së: Të kontrollohet edhe banesa e shefit të tij

Deputeti i PD-së, Klevis Balliu, ka reaguar pas kontrolleve të SPAK-ut në vilën e biznesmenit izraelito-amerikan Ron Yeffet, të kryera pas audiopërgjimeve.

Në një status në rrjetet sociale, Balliu thekson se hetimet nuk duhet të ndalen vetëm te banesa e Yeffet, por të shtrihen edhe te shefi i tij, Edi Rama, dhe persona të tjerë që qendrojnë në krye të skemës.

"SPAK ka zbarkuar te shoku i Edi Ramës, Ron Yeffet, i cili, në bashkëpunim me qeverinë, po vjedh miliona euro nga qytetarët. Por SPAK duhet të fillojë të shkojë te shefi i këtyre aferave.

SPAK duhet të kontrollojë banesën e shefit të Ron Yeffet, Edi Ramës. Sepse çështja nuk është të ndërrojmë një Ron Yeffet me një Ron Yeffet tjetër. Çështja është të shkojmë te përgjegjësi kryesor dhe të hetojmë deri në fund të gjithë skemën", thuhet në postimin e Balliut. /CNA