Këshilli Prokurorial i Kosovës (KPK) ka shkarkuar Blerim Isufajn nga pozita e kryeprokurorit të Prokurorisë Speciale të Kosovës.
Si ushtrues detyre është caktuar Dren Paca, deri në plotësimin e pozitës sipas procedurave ligjore.
Vendimi u mor në mbledhjen e jashtëzakonshme të KPK-së, e cila ishte thirrur për të diskutuar lidhur me punën e Isufajt në krye të Prokurorisë Speciale.
Pas largimit nga pozita e Kryeprokurorit, Isufaj do të vazhdojë të ushtrojë funksionin e prokurorit në Prokurorinë Speciale.
