Videot intime, Morava: Nuk e di çfarë do të kisha bërë nëse do të isha në vendin e bashkëshortes së kompozitorit
Videot intime të publikuara përgjatë kësaj jave, ku pjesë ishin disa prej personazheve më të njohur të publikut, vijojnë të jenë në qendër të diskutimit në sytë e opinionit publik.
E ftuar në studion e “Takohemi n’Vizion” të moderatores Fjodora Fjora, gazetarja Kostana Morava vuri theksin te familja.
Morava tha se gjëja e parë që i shkoi në mendje ishte se si ndihej bashkëshortja e kompozitorit, që është edhe “aktori” kryesor në videot intime.
“Pjesa më në të cilën jam ndier më e lënduar apo kur është aktivizuar ndjenja e empatisë ka qenë mendimi për bashkëshorten. Nuk e di çfarë do të kisha bërë po të isha unë. Kam bërë dhe një reagim ku thoja se e kam pasur të vështirë të mbaj një qëndrim. Kam pyetur veten: Ore, çfarë qëndrimi kam përballë kësaj ngjarjeje? Janë shumë faktorë që të thuash kjo situatë kështu, e kjo situatë ashtu”, u shpreh Morava.
