Nënkryetari i Partisë Demokratike, Belind Këlliçi ka reaguar pasi SPAK kontrolloi banesën e biznesmenit shqiptaro-izraelit Ron Yeff...
POLITIKE
SPAK në vilën e Yeffet/ Spahia: Të mos goditen vetëm hallkat e ndërmjetme, hetimi të shkojë te maja e pushtetit
PiranjatPërditësimi i fundit 2 Tetor 2026, 19:59
Deputeti i PD, Bardh Spahia, ka reaguar pas zhvillimeve të sotme nga SPAK, përfshirë kontrollet e ushtruara në vilën e biznesmenit Ron Yeffet.
Në një reagim në rrjetet sociale, Spahia shprehet se kontrollet ndaj Ardi Veliut, Ministrisë së Mbrojtjes dhe TMAK tregojnë se rrjeta po ngushtohet, por shton se goditja e hallkave të ndërmjetme nuk mjafton për të zgjidhur problemin.
Ai kërkon që hetimet të shkojnë te përgjegjësit më të lartë politikë, duke akuzuar kryeministrin Edi Rama si “koka e qeverisë kriminale” dhe duke argumentuar se sistemi nuk mund të çmontohet pa u goditur drejtpërdrejt porositësi dhe përfituesi i vërtetë.
Zhvillimet e sotme nga SPAK, me kontrollet e ushtruara në vilën e Ron Yefet, tek Ardi Veliu, Ministria e Mbrojtjes e Ermal Rraketës dhe TMAK, tregojnë se rrjeta po ngushtohet. Por le të jemi të qartë. Të presësh degët pa prekur rrënjët e problemit nuk e shëron dot sistemin.
Rënia e koordinatorëve dhe zbatuesve të punëve të pista është vetëm hapi i parë. Pa u goditur drejtpërdrejt porositësi dhe përfituesi i vërtetë i të gjitha këtyre aferave korruptive, vetë koka e qeverisë kriminale Edi Rama, Shqipëria nuk ka shpëtim dhe nuk do gjejë qetësi.
Modeli i kriminalizimit institucional nuk mund të zhbëhet nëse llogaridhënia nuk shkon deri në majën e pushtetit, aty ku ndërtohet dhe mbrohet ky sistem.
Shqipëria do të vazhdojë të mbetet peng i një drejtësie të munguar për sa kohë goditen vetëm hallkat e ndërmjetme. Kërkohet drejtësi e plotë dhe e pamëshirshme ndaj korrupsionit, jo drejtësi me regji!
